કરવાનું શું? – A Gujarati Poetry

Written by Swati Joshi

January 11, 2018

તારા નામથી ભરેલ મનનો ઓરડો મહેકે છે;
પણ, ખોલવાની મનાઈ-
કરવાનું શું?
તારા શબ્દોનાં ગોળનો ગાંગડો પીગળે છે;
પણ, ચાખવાની મનાઈ-
કરવાનું શું?
તારી યાદોની કામળી હૂંફાળી બહુ;
પણ, ઓઢવાની મનાઈ-
કરવાનું શું?
તારી આંગળીઓનાં આંકડા ખુબ સુંવાળા;
પણ ભીડવાની મનાઈ-
કરવાનું શું?
શ્વાસનાં તાંતણે બંધાઈ તું સતત આવે-જાય;
પણ, અડકવાની મનાઈ-
કરવાનું શું?
તારો અભાવ રોજ ધીમું મારે છે;
પણ, સામટું મરવાની મનાઈ-
કરવાનું શું?

RECOMMENDED BOOKS

No products found.

Advertisement

કોઈ પણ સમાજ,શરતો કે નિયમો લાગણીઓ પર અંકુશ ન મૂકી શકે પરંતુ, વ્યક્તિગત મુલ્યોની એક નાનકડી સીમા આ કામ સહજતાથી કરી જાય ત્યારે એ કશ્મકશમાં આપણે તો માત્ર પૂછી જ શકીએ કે, કરવાનું શું?

Copy link