“મેં જોયા છે” – Gujarati Poetry

gujarati-poetry-me-joyaa-chhe

વિશ્વમાં શું સંભવિત છે એના માટે કોઈ થીયરી કામ નથી કરતી. ઈચ્છાશક્તિ એ એકમાત્ર પ્રબળ પરિબળ છે જે અસંભવને પણ સંભવ બનાવે. શું મેળવીશું એ કદાચ આપણા નિયંત્રણમાં ન હોય છતાં, સપનાની પાંખો વિસ્તારવા પર કોઈનો અંકુશ નથી!

ચાહે વાયુ વાતા હો વિપરીત,
પથદર્શી પ્રવાહો હો ના ભલે;
હાથોનાં હલેસે શમણાંને, મેં પાર ઉતરતા જોયા છે.

ચાહે હો અંધારું ગીચ ઘણું,
સૂરજ હો ક્ષિતિજને પાર ભલે;
સપનાથી ભરેલી આંખોમાં, મેં તેજ નીતરતા જોયા છે.

મેઘ મન મૂકીને જો ના વરસે,
ખળખળ જળનું હો દૂર ભલે;
માથેથી ટપકતા પ્રસ્વેદે, મેં બાગ ઉઝરતા જોયા છે.

શમણાં જ તારા તુજ સંગી છે,
ગમતીલા સાથ રહે ના ભલે;
બાકી,
રોજ ‘રમલ’નાં હાથેથી, મેં પાસા સરકતા જોયા છે!

*રમલ = અંકશાસ્ત્રી (numerologist who predicts with the help of dice)

  • Subscribe to our Newsletter

    You can't resist this cutie! Let her bring you our Friday newsletter.

    *No spam. You can unsubscribe at any time.

  • 7 Comments
      1. ધન્યવાદ.

        કમેન્ટ માટે ખુબ ખુબ આભાર.

        આગળ તમને ક્યા વિષય પર વાંચવું ગમશે એ સૂચવશો તો હજી ઘણું સરસ આલેખી શકીશ.

        સસ્નેહ,
        Swati

    Leave a Reply

    Swati's Journal

    © 2024 Swati's Journal