મૂડ નથી! – A Gujarati Poetry

Written by Swati Joshi

March 29, 2019

આજના પોરીયા તોબા જેવા, કે’તા મોં મચકોડી-
આજે મૂડ નથી, સાવ મૂડ નથી!!
કે’તી મમ્મી, મોલમાં જઈને-
લાવ લોટ, ખાંડ ને પાંવ
પણ,
મૂડ નથી, મમ્મી મૂડ નથી!!
સ્માર્ટ ફોન ખોલે સ્કૂલમાં જઈને-
રમે “ઈન્સ્ટાગ્રામ” નાં દાવ
તોયે,
મૂડ નથી, હજી મૂડ નથી!!
પપ્પા બિચારા, ટિફિન જમે ને-
તમે પિઝા-પાસ્તા ખાવ
અને
મૂડ નથી, હજી મૂડ નથી??
રઝળે – ભટકે મિત્રો લઈને,
માંદો થાતો ઘેર આવીને,
એને ચઢતો ટાઢીયો તાવ
એ’લા મૂડ નથી!
તને મૂડ નથી?

Advertisement

આજકાલ મોટાભાગનાં ઘરોમાં આ દ્રશ્ય સામાન્ય છે,અહીં તો આપણે થોડી ગમ્મત જ કરી પરંતુ, હકીકતમાં બાળકને કેટલું અને ક્યાં સુધી બાલિશ બનાવી રાખવું એ તો માતા-પિતા કે પરિવારનાં હાથમાં હોય છે…  તમને શું લાગે છે?

Copy link