તારા ગયા પછી! – Gujarati Poetry

4.3
(7)
ઘણી વ્યક્તિઓ કે સંબંધો હૃદયની ખુબ નજીક હોવા છતાં, ફાંસની જેમ સતત ખૂંચ્યા કરતા હોય ત્યારે, એ દૂર થવાથી વધુ રાહત અનુભવાય છે.છતાં, અહીં કહ્યું છે એમ,‘અકલ્પ્ય છે દેવત્વ…’કોણ, ક્યારે અને કેવી રીતે આવી મળશે એ તો ‘પડદો ઉઠ્યા પછી…’જ ખબર પડે.

Written by - Swati Joshi

દિવસોનાં માળખા આ ક્રમમાં અને સુઘડ છે,
તારા ગયા પછી તો, જીવન ઘણું સરળ છે!!

મારા હ્રદયનાં દોરા ને તારા મનની ગાંઠો,
ગૂંથવાની પેરવીમાં, વિત્યા છે કેટલા વર્ષો;
ભાત કેમે કરી બને ના, યત્નો બધા વિફળ છે!

તારા ગયા પછી તો…
નવ ટાંક લાગણી ને, પા શેર પ્રીત સાથે,
કોશિશ ઘણી કરી કે ઉપજે કંઈક તો ઓસડ;
ઔષધ થયું વિસંગત, આ રોગ કંઈક અકળ છે!

તારા ગયા પછી તો…
મનનાં મરુના ટિંબા જ બસ નથી હકીકત,
પર્જન્ય પાતળો પણ અમને અહીં પલાળે;
અકલ્પ્ય છે દેવત્વ, મરુમાં વસે મૃગજળ છે!

તારા ગયા પછી તો…
અલગાવ ના આ સત્યને તું પૂર્ણતા છો(ભલે) માને,
ઈશ્વરીય ખેલમાં બસ અંતરાલ આ તો;
પડદો ઉઠ્યા પછી શું? એ હજુ અકળ છે!

તારા ગયા પછી તો, જીવન ઘણું સરળ છે!!

* ભાત=design , નવ ટાંક=a measuring unit (⅛ of 500 g), પા શેર= a measuring unit (¼ of 500 g), મરુ=sand , ટિંબા=dunes , પર્જન્ય=rain , અલગાવ=separation , અંતરાલ=intermission

Love what you read? Click on stars to rate it!

As you found this post useful...

Share this post with more readers.

Hi! I'm Swati Joshi

Love what you’re reading?
Hit star rating or just post a comment. It motivates me to write more. Thank you!
Browse my little curated library of books!

Sponsored

Older Stories

Related Posts

હું – Gujarati Kavita | Rashmin Mehta 4 (2)

કુદરતમાં કદાચ મનુષ્ય એક જ એવું પ્રાણી છે જેની મર્યાદાઓ અને શક્તિઓ બંને અસીમ છે. આપણું વ્યક્તિત્વ ભલે ને અનેક પાસાઓ ધરાવતું હોય છતાં, સામેવાળી વ્યક્તિ મોટેભાગે તેનાં ભાવજગત અનુસાર જ આપણને આંકે છે. અહીં પોતાનાં અસ્તિત્વ વિશેની ખરી અનુભૂતિ ધરાવતો એક જાગૃત મનુષ્ય આપણને એ શું શું છે અને શું શું નથી જ એ વિશે કહે છે તો, ચાલો વાંચીએ અને શક્યતાઓનું એક નવું જ પરિમાણ ચકાસીએ…

રાધા, કૃષ્ણ અને વાંસળી – A Gujarati Poetry 4.4 (8)

વાંસનો એક ટુકડો કૃષ્ણને સ્પર્શી વાંસળી બની જાય એ સમર્પણનું શિખર છે અને એ જ વાંસળી કોઈ અલબેલી, પ્રીતે બંધાયેલી છોકરી માટે વાગે ત્યારે એ સાધારણ છોકરી ઈતિહાસમાં અમર થતું પાત્ર રાધા બની જાય તે પ્રિય-પાત્ર પ્રત્યેની લાગણીનું શિખર છે! આવી જ એક રોચક છતાં સરળ અભિવ્યક્તિ દ્વારા આ ત્રણેનો અતૂટ સંબંધ પ્રસ્તુત કરવાનો પ્રયત્ન કર્યો છે.

Let’s Start Talking!

Swati Joshi is an Indian writer who loves to write in English and Indian Languages like Gujarati. Read her Gujarati Poetry and Motivational articles at Swati's Journal.
Swati Joshi

www.swatisjournal.com

2 Comments

  1. જતીન ટેલર

    સ્વાતિબેન,

    બહુ સરસ લખો છો. વાંચવાની મજા આવી. નવ ટાંક યુનિટ ઓફ measurement, પરજન્ય તમારી થાકી જાણવા મળ્યું.

    મને એવુ લાગે છે તમારા ગયા પછી જીવન સરળ નહિ પણ અઘરું છે.

    Reply
    • Swati Joshi

      આપના પ્રતિભાવ બદલ અનેક ધન્યવાદ જતીનભાઈ!

      ગુજરાતી એટલી સમૃદ્ધ ભાષા છે કે એક અંજલિ ભરીએ તો પણ ભવ નીકળી જાય… આપના વાંચનના શોખ દ્વારા આપની ભાષાનો વૈભવ વધતો રહે એવી શુભેચ્છા!

      અને આપણે ક્યાંય નથી જવાના.. હું અને તમે સાથે જ છીએ Swati’s Journal પર. 🙂
      તો, વાંચતા રહો અને મારા સુધી પહોંચતા રહો.

      બીજી રચનાઓ પર આપનાં પ્રતિભાવની રાહમાં…

      સાભાર,
      સ્વાતિ

      Reply
Submit a Comment

Your email address will not be published. Required fields are marked *