તું – Gujarati Poetry

tu gujarati poetry indian writer

ગમતીલાને તેઓ આપણા માટે શું છે એ ચોક્કસ કહેવું જોઈએ. તમને ખબર છે સમયસર ઉપયોગમાં લેવાતા શબ્દો ટોનિકનું કામ પણ કરી જાણે છે? હજી સુધી ન કહ્યું હોય તો આજે જ કહી દેજો…

તું જ આશ, તું જ શ્વાસ;

ભીતર છતાં તું આસપાસ.

મનનો સમુદ્ર ઊંડો ઘણો,

ઊંડાઈનો ક્યાં કોઈ ક્યાસ?

કદી રાધા હું; કદી કૃષ્ણ તું,

સદીઓથી આપણ રચીએ રાસ.

માગું તને; ચાહું તને,

ક્ષુધા તું ને તું જ પ્યાસ.

તારું જ ગ્રહણ; તને જ અર્પણ,

મુજ આશા, આસ્થા ને વિશ્વાસ.

તું જ આશ, તું જ શ્વાસ;

ભીતર છતાં તું આસપાસ.

*આશ= આશા, ક્યાસ= અંદાજ

  • Subscribe to our Newsletter

    You can't resist this cutie! Let her bring you our Friday newsletter.

    *No spam. You can unsubscribe at any time.

  • Leave a Reply

    Swati's Journal

    © 2024 Swati's Journal