ત્યાં સુધી તકલીફ નથી! – Gujarati Poetry

gujarati-poetry-tya-sudhi-taklif-nathi

જીવનમાં સુખ, ખુશી, પ્રગતિ આ દરેકનાં માપદંડો સમય અને સંજોગો પ્રમાણે ચોક્કસ બદલાતા રહે છે જેમાં, માણસ તરીકે સતત આહત કરતાં અનુભવો પણ સામેલ છે.પરંતુ,દરેક પાસે જીવનમાં કોઈક એવું ચોક્કસ છે જે આ દરેક અનુભવોથી પર એવી શાંતિ બક્ષે… તમારી પાસે પણ છે ને?

હૃદયવિહોણા બે’ક અનુભવોની કંઇ થોડી ફરિયાદ ખરી
પણ,
સંગ રહેતા મન છે ઝાકળ જેવા, ત્યાં સુધી તકલીફ નથી.

લાગણીશૂન્ય ને દિશાહીન માનવતાની મને પીડા છે
તેથી જ,
પીડતા એ કુપાત્રોથી રહે અંતર, તો તકલીફ નથી.

ચલણી નાણું સંબંધોને આંકે તેથી આહત તો છું
પણ,
મંડાય પરબ કોઈ ખૂણે ગલીમાં, ત્યાં સુધી તકલીફ નથી.

તારાથી આગળ ન થઈ શકવાનો મનમાં મુજને ઉદ્વેગ ઘણો
પણ,
પાછળ જોઉં ને, ‘મા’ મીઠું હસી દે, ત્યાં સુધી તકલીફ નથી!

  • Subscribe to our Newsletter

    You can't resist this cutie! Let her bring you our Friday newsletter.

    *No spam. You can unsubscribe at any time.

  • One Comment

    Leave a Reply

    Swati's Journal

    © 2024 Swati's Journal