મેં એક સપનું જોયું’તુ – Gujarati Poetry

gujarati poetry me ek sapnu joyu tu

સપના અને સ્ત્રીઓનું લગભગ સરખું- રહસ્યમય છતાં એટલા આકર્ષક કે જોવાનું – મળવાનું મન થયા કરે!! મનની ઈચ્છાઓ, તૃષ્ણાઓ કે આકાંક્ષાઓનો અરીસો એટલે સપના! પણ, સપના એટલે પરપોટા… ઉદ્ભવે, રંગબેરંગી લાગણીઓની છબી ઉપસાવે અને ક્ષણમાં જ ફટ્ટ કરતા ફૂટી પણ જાય, જીવનને આ એક જ ઘટનામાં વ્યક્ત કરી જતા આ સપના જોઈ, યાદ રાખી અને તેને વ્યક્ત કરવાની વિશેષ બક્ષિશ કુદરતે આપણને આપી છે… તો, ચાલો માણીએ એક અનોખી દુનિયાની સૈર કરાવતું આ એક ઔર સુંદર સપનું!!

ધોમ ધખતા તડકે, મેં એક સપનું જોયું’તુ!

બંધ પાંપણની પાંખે, એક સપનું ઉડ્યું’તુ!!

ગયું આભલીએ ગામ ને, ગામ એને ગમી ગયું

દાદા, મામા મળી ગયા ને, એ લઇ ગ્યા તારલીયે બાગ

રમ્યું સંતાકુકડી બહુ જ, વાદળિયું ની વચ્ચે

રમતાં – રમતાં મળી ગયું મેઘધનુષી મિત્ર

સતરંગે રંગાયું એના થઇ ગયું રંગીન

ધોધમાર વર્ષાએ પટકયું પાછું, એને જ્યાંનું ત્યાં

રોકાયું ના ત્યાં, જોયું’તુ મેં જ્યાં-

થઇ ને ખારું ઉસ, વહી ગયું…વહી ગયું.

ધોમ ધખતા તડકે, મેં એક સપનું જોયું’તુ!

બંધ પાંપણની પાંખે જે સપનું ઉડ્યું’તુ!!

  • Subscribe to our Newsletter

    You can't resist this cutie! Let her bring you our Friday newsletter.

    *No spam. You can unsubscribe at any time.

  • 8 Comments
    1. સપનાની દુનિયામાં એક અલગ ભાવજગતની અનુભૂતિ કરાવતી આ સુંદર રચના બદલ અભિનંદન.

      1. ગુજરાતી સાહિત્ય માં મારા ગુરુ સમાન આપ ના આશીર્વાદ થી ધન્યતા અનુભવું છું….અહીં ભાવ અભિવ્યક્ત કરવા માં ફાંફાં

    Leave a Reply

    Swati's Journal

    © 2024 Swati's Journal