તને ગમશે? – Gujarati Poetry

5
(1)
November 05, 2019
લાગણીનાં સંબંધોમાં જયારે સામાજિક વ્યવહાર, બીજાનાં વિચાર અને આત્મકેન્દ્રી આચાર (behavior) પ્રવેશે ત્યારે એ મૂળ સત્વ ગુમાવી દે છે. ફૂલદાનીમાં રાખેલા સાચા ફૂલો અને પ્લાસ્ટિકનાં નકલી ફૂલોનો ભેદ સમજાતો હોય તો, કોની, ક્યાં અને કેટલી દરકાર કરવી જોઈએ એ સમજી ગયા હશો, ખરું ને?

Written by - Swati Joshi

સંબંધોનાં આયનામાં બસ સોહામણી છબીઓ જ રમશે,
આવું કરવામાં જો હું; હું ન રહું, તો તને ગમશે?

હેતે વસાવેલી લાગણીની નગરીમાં,
અહંની ભૂતાવળ વસવાને આવે;
પ્રેમે છલકાતી મનની નાનકડી ગલીઓમાં,
અહમ્ નાં ઓછાયા પ્રસરશે, તો તને ગમશે?

ભાવનાની ડાળીઓનાં વ્હાલપનાં ફૂલો પર,
આપણાં સંબંધની રૂડી દેવચકલીઓ;
ભારે હૃદયે ને રૂંધાતા કંઠે,
હળવેથી ગાતી અટકશે, તો તને ગમશે?

સતરંગી સપનાની ખેતી છે આપણી,
સ્નેહતણી ઝાકળની પિયત અનિવાર મહીં;
ઠંડા સંબંધોમાં હૂંફનાં અભાવે,
અહીં લવણતા જો વરસશે, તો તને ગમશે?

કહેવાતા શબ્દોમાં ‘સ્વત્વ’ સામેલ હોય,
સમાજ, રિવાજ કે વ્યાવહારિક ખલેલ હોય;
ત્યારે અંતરનાં ભાવની ફોરમતી કુમાશ પર,
વેદનાનું રણ જ વિસ્તરશે, એ તને ગમશે?

બાકી તું કહે તો,
સંબંધોનાં આયનામાં બસ સોહામણી છબીઓ જ રમશે,
આવું કરવામાં જો હું; હું ન રહું, તો તને ગમશે?

*અનિવાર = અનિવાર્ય ,unavoidable , લવણતા = ખારાશ,salanity

Love what you read? Click on stars to rate it!

As you found this post useful...

Share this post with more readers.

Hi! I'm Swati Joshi

Love what you’re reading?
Hit star rating or just post a comment. It motivates me to write more. Thank you!

Sponsored

Older Stories

Related Posts

હું – Gujarati Kavita | Rashmin Mehta 4 (1)

કુદરતમાં કદાચ મનુષ્ય એક જ એવું પ્રાણી છે જેની મર્યાદાઓ અને શક્તિઓ બંને અસીમ છે. આપણું વ્યક્તિત્વ ભલે ને અનેક પાસાઓ ધરાવતું હોય છતાં, સામેવાળી વ્યક્તિ મોટેભાગે તેનાં ભાવજગત અનુસાર જ આપણને આંકે છે. અહીં પોતાનાં અસ્તિત્વ વિશેની ખરી અનુભૂતિ ધરાવતો એક જાગૃત મનુષ્ય આપણને એ શું શું છે અને શું શું નથી જ એ વિશે કહે છે તો, ચાલો વાંચીએ અને શક્યતાઓનું એક નવું જ પરિમાણ ચકાસીએ…

રાધા, કૃષ્ણ અને વાંસળી – A Gujarati Poetry 4.4 (8)

વાંસનો એક ટુકડો કૃષ્ણને સ્પર્શી વાંસળી બની જાય એ સમર્પણનું શિખર છે અને એ જ વાંસળી કોઈ અલબેલી, પ્રીતે બંધાયેલી છોકરી માટે વાગે ત્યારે એ સાધારણ છોકરી ઈતિહાસમાં અમર થતું પાત્ર રાધા બની જાય તે પ્રિય-પાત્ર પ્રત્યેની લાગણીનું શિખર છે! આવી જ એક રોચક છતાં સરળ અભિવ્યક્તિ દ્વારા આ ત્રણેનો અતૂટ સંબંધ પ્રસ્તુત કરવાનો પ્રયત્ન કર્યો છે.

Let’s Start Talking!

Swati Joshi is an Indian writer who loves to write in English and Indian Languages like Gujarati. Read her Gujarati Poetry and Motivational articles at Swati's Journal.
Swati Joshi

www.swatisjournal.com

0 Comments

Submit a Comment

Your email address will not be published. Required fields are marked *