વિરાટ વિચ્છેદ – Gujarati Poetry | Japan Vora

4.7
(9)
ચેતનાનાં અંબરમાં ગાબડું પડે ત્યારે, યાદોનાં પડછાયા યદ્દરછ રૂપ ધરી આપણી સામે આવે છે. કોઈનું હોવું જેટલું મહત્વનું હશે, આ પડછાયા એટલા જ ઘેરા હશે. પરંતુ, હૃદયનાં કોઈક ખૂણે પોતાને પણ એ પ્રતીતિ સતત રહે જ છે કે, સ્મૃતિ-પટલ પર મંડરાતી એ છબીઓ આભાસી જ છે.લાગણીઓ વહી ગયાની અનુભૂતિ પછીનો સમય લાવે છે નર્યો સંતાપ! ખુબ ચાહેલા પ્રિય-પાત્ર માટે લખાયેલી આ સુંદર રચના આપ પણ માણો…

Written by - Japan Vora

યાદ છે મને એ કાજળઘેરી રાતનું આકાશ;

ચમકતી ને ગરજતી વીજળી થતી આસપાસ,

એ દરેક વીજળીના ચળકાટથી ઝંખવાતો સમય,

કેટલાય વિષાદ, ઝંઝાવાત, મનમાં રચાતો પ્રલય!

પ્રકાશની હતી કરામત એ કે મને થયો આભાસ?

થઈ સ્મૃતિ કિરણની રચના અને મને જડયો વિશ્વાસ.

તું જ હતી, કે તારો જ હતો એ અવાજ?

પ્રતીતિ થઈ મને, મળ્યું છે મને એ,

મારું મન જે ઝંખે!

તું કહે અસત્ય છે એ તો, એના પુરાવા હશે,

કદાચ એ સ્મૃતિ કિરણ અવળા દોરવાયા હશે.

દુષ્કર તો ઘણુંય છે, પણ આંખોને એ કહી દેવા દે,

આંસુઓના મહેરામણને આ વિચ્છેદ મહીં વહી જવા દે.

કોરી ખાતો ખાલીપો, રહી છે માત્ર ભસ્મીભૂત યાદ,

જવું ક્યાં સંતાઈને?

રાખનો થતો ચોમેર વરસાદ!

Love what you read? Click on stars to rate it!

As you found this post useful...

Share this post with more readers.

Most Viewed Posts

Sponsored

Older Stories

Let’s Start Talking!

An engineered poet and writer has a degree in Mechanical Engineering. Writes in Gujarati, Hindi and English with the same zeal and intensity for all the three languages.As we all know, a good writer has first to be a good reader so he is. You can also reach Japan at inwardlocus and @ japanv_ on Instagram.
Japan Vora

www.swatisjournal.com

3 Comments

  1. Swati Joshi

    Beautiful poetry! Great expression!!

    Totally loved it…

    Reply
    • Japan Vora

      Really appreciate it 🙂 thank you

      Reply
      • Swati Joshi

        Looking forward to more such gems!

        Keep writing!

        Reply
Submit a Comment

Your email address will not be published. Required fields are marked *