You're Reading: “જત લખવાનું કે…” – Gujarati Poetry

“જત લખવાનું કે…” – Gujarati Poetry

ઈશ્વર સાથે સીધો વ્યવહાર શક્ય હોત તો, ખુમારીથી જીંદગી જીવી ગયેલા કોઈ એક ગામઠી પુરુષે તેમને આવો કંઇક પત્ર ચોક્કસ લખ્યો હોત. આજનાં સમયમાં આ બોલી વાંચવાનો લ્હાવો કદાચ જ બીજે ક્યાંય મળે…
<div class="cta-menu"><a href="https://swatisjournal.com/author/swati-joshi/" target="_self">Swati Joshi</a></div>

Author

Swati Joshi is an Indian writer who loves to write in English and Indian Languages like Gujarati. Read her Gujarati Poetry and Motivational articles at Swati's Journal.

Follow Us

Shares

સ્વસ્તિશ્રી ધરમપુરમાં વસતાં કરમ કેરાં રાજા,
એતાનશ્રી લોક પ્રથવીથી, એક માણહના રામ-રામ!

સૂરજ ઉજયો-આથમ્યો કેટલીયે વેળ, ને’ દા’ડો મારો પૂરો થયો;
રાત-દન નાં હાંધામેળે, જન્મારો આખો ગયો.

મંછા ઝાઝી, ત્રેવડ ઓછી, સમાજ ચાંપતો અંગારો;
કેવી થાયે લાગણી તૈયે, તુને ના આવે વરતારો.

કામ કુટીને, જાત ઘહીને, ભેગું કરીએ થોડું હખ;
વાંહે-વાંહે જીગા કરીને, પહોળું થાતું આવે દખ.

ભૈ-બુનો ને’ છૈયાં છોરાં, પંડ્ય ને, ભેગી પાછી બઈ!
વેવારુંની સોડ તાણતાં, ખરી આકરી વનેગત થઈ.

બાજરા-જાર ની કોઠિયું ભરતાં, હાંધા મારા ‘વા’ એ ભર્યા;
ભૈ થી બાપા ને’ છોરુએ હવે તો, બાપામાંથી ‘ડોહલ’ કર્યા.

ભણે, ગણે ને વરે-પૈણે હઉ, સઈ ચાકરીનો મોટો ભારો;
દાંડિયા-હાંડીયા હૌનું કરતાં, હાવ છેલવારકો મારો વારો.

ટૂંકો પડું તૈ દુભાઉં ઘણો ને’, ઘોઘરે મારેય ડૂમો ભરાય;
નબળી છાતીએ ડચૂરો બાઝે પણ, મરદથી પોચકા ઈમ નો મુકાય!

કરમનાં રાજા લઈ લે ટીપણું, મેં તો મારી જીવની કહી;
અંતરીયાળે મ્હાયલો જાણે કે ‘બહોત ગૈ ને’ થોડી રૈ!’

કે’શે ‘નાસજે પ્રાણિયા આગ આવે’ ને’, હવે છો જમડા ઘર ગોતે;
ચબરખીએ ચીતર્યું છે જીવતર મેં તો, નીચે લખું છું સઈ દસ્તક પોતે!!

*પ્રથવી=પૃથ્વી, ઉજયો=ઊગ્યો, માણહ=માણસ, હાંધા મેળ=વ્યવસ્થા, વરતારો=અંદાજ, હખ=સુખ,દખ=દુ:ખ, ભૈ-બુનો=ભાઈ-બહેનો, પંડ્ય= જાત(પોતે), બઈ=સ્ત્રી, સોડ તાણતાં= ચાદર બિછાવતાં, વનેગત=દશા, હાંધા=સાંધા, સઈ=સેવા, હૌ=સૌ, છેલવારકો=છેલ્લો, ઘોઘરે=ગળામાં, ઈમ=એમ, કે’શે= કહેશે, મ્હાયલો=અંતરાત્મા, જમડા=યમ

Love what you read? Click on stars to rate it!

As you found this post useful...

Share this post with more readers.

<div class="cta-menu"><a href="https://swatisjournal.com/author/swati-joshi/" target="_self">Swati Joshi</a></div>

Author

Swati Joshi is an Indian writer who loves to write in English and Indian Languages like Gujarati. Read her Gujarati Poetry and Motivational articles at Swati's Journal.

Comments

8 Comments
Inline Feedbacks
View all comments

Pin It on Pinterest

Share this story!

Love what you read? Share this page with your friends!