અસ્તિત્વ માટે ખેલાતો એક ખેલ એટલે જીવન. જેની વિશેષતા એ કે વ્યક્તિ એક જ રમતનો ભાગ હોવા છતાં, દરેક એક અલગ સ્તર પર અને પોતાનાં આગવા નિયમો સાથે રમ્યા કરે છે. મજાની વાત એ છે કે અહીં હાર અથવા જીત આપણે જાતે નક્કી કરી શકીએ છીએ.
ગમતાં માટે ઝૂરીએ કદી, અણગમતા માટે મરીએ કદી;
જીવન નામે ખેલ મજાનો, હારીએ કદી ને જીતીએ કદી!
ના ક્રમ છે નિયત, ના કાળ અચળ;
નિયમ “ખેલ”-જીવન નાં અકળ,
ના શતરંજ, ના સાપ-સીડી તોયે,
ચડીએ કદી ને પડીએ કદી!
જીવન નામે ખેલ મજાનો, હારીએ કદી ને જીતીએ કદી!
ના રૂપ અચળ, ના ભાવ અચળ;
ખેલ મોહ માયાનો સકળ,
એક-મેક નાં મન નાં દોરા,
બાંધીએ કદી ને તોડીએ કદી!
જીવન નામે ખેલ મજાનો, હારીએ કદી ને જીતીએ કદી!
ખેલ-ચડીએ કદી ને પડીએ કદી-વાહ સરસ રચના.
Thank you!
Please do share it.
Keep writing me back.
Love,
Swati