Browse our # storyblog
ભાષા, સંસ્કૃતિ, જીવન જીવવાની પદ્ધતિઓ, મહત્વાકાંક્ષાઓ આ બધું જ વૈવિધ્યસભર હોવા છતાં, જગતભરમાં દરેકની મા વિશેની અભિવ્યક્તિ લગભગ સમાન જ હોય છે.અહીં જગતની ‘મા’ વિશે એક નાનકડી અભિવ્યક્તિ રજુ કરું છું. હું માનું છું તમારી આનાથી ભિન્ન નહીં જ હોય.
રમણીય છબી, સુંદર અતિ
આભા તેજોમય
રક્ત ગવન, કમલ નયન
નિત હરતી ભય
ઓષ્ઠ પ્રવાલ, કુમકુમ કપાલ
કર ધરી મમતામય
કસ્તુરી અંગ, ઉજળો છે રંગ
સ્વરતી રવ મધુમય
હો કૃપા, દંડ કે પરિત્રાણ
સૌનો તું સમુચ્ચય
તું શાશ્વતી ને અમે નાશવંત સૌ
નમીએ તું ને સવિનય
અમ બીજ, રજ કે પ્રસ્વેદ માત્ર
ખુદ ઈશ તુજ તનય!
કુદરતમાં કદાચ મનુષ્ય એક જ એવું પ્રાણી છે જેની મર્યાદાઓ અને શક્તિઓ બંને અસીમ છે. આપણું વ્યક્તિત્વ ભલે ને અનેક પાસાઓ ધરાવતું હોય છતાં, સામેવાળી વ્યક્તિ મોટેભાગે તેનાં ભાવજગત અનુસાર જ આપણને આંકે છે. અહીં પોતાનાં અસ્તિત્વ વિશેની ખરી અનુભૂતિ ધરાવતો એક જાગૃત મનુષ્ય આપણને એ શું શું છે અને શું શું નથી જ એ વિશે કહે છે તો, ચાલો વાંચીએ અને શક્યતાઓનું એક નવું જ પરિમાણ ચકાસીએ…
વાંસનો એક ટુકડો કૃષ્ણને સ્પર્શી વાંસળી બની જાય એ સમર્પણનું શિખર છે અને એ જ વાંસળી કોઈ અલબેલી, પ્રીતે બંધાયેલી છોકરી માટે વાગે ત્યારે એ સાધારણ છોકરી ઈતિહાસમાં અમર થતું પાત્ર રાધા બની જાય તે પ્રિય-પાત્ર પ્રત્યેની લાગણીનું શિખર છે! આવી જ એક રોચક છતાં સરળ અભિવ્યક્તિ દ્વારા આ ત્રણેનો અતૂટ સંબંધ પ્રસ્તુત કરવાનો પ્રયત્ન કર્યો છે.
Khub sunder.. .
Thank you so much for your valuable words.
Love,
Swati
કાશ, બધા ની મા આવી જ હોય.
સરસ વર્ણન.👌👌👌
આમ જોવા જાઓ તો જે સૌની માતા છે એ આવી જ છે. બાકી ઋણાનુબંધની વાત છે.
તમને ગમ્યું એનો સંતોષ છે.
Love,
Swati