મારી દીકરી અને કેસૂડો! – Gujarati Poetry

mari-dikri-ane-kesudo-gujarati-poetry-indian-writer

ઉનાળાની બપોર જો મારી જેમ વ્યક્ત કરી શકતી હોત તો,હું જે મારી દીકરી વિશે અનુભવું છું એવું જ કંઇક એ પલાશનાં ફૂલો વિશે અનુભવે છે એમ કહેતી હોત… ખરું ને?

મારી બળતી બપોરનો શીળો અંગાર,
એક મારી દીકરી ને બીજો આ કેસૂડો.

મારી સર્વે વસંત ના રૂપનો અંબાર,
એક મારી દીકરી ને બીજો આ કેસૂડો.

પ્લુષ્ટ ,પ્રવ્રજ્યા શિશિરનો કિરમજી શૃંગાર,
એક મારી દીકરી ને બીજો આ કેસૂડો.

મોઝાર વિસ્તરતા વગડાને રાતો લલકાર,
એક મારી દીકરી ને બીજો આ કેસૂડો.

મારા હરિત પડછાયાનો સમાંતર પ્રસાર,
એક મારી દીકરી ને બીજો આ કેસૂડો.

અનન્ય તોયે પરિપૂર્ણ જાણે સંઘેડા ઉતાર,
એક મારી દીકરી ને બીજો આ કેસૂડો!

*પ્લુષ્ટ=frozen, *પ્રવ્રજ્યા=ascetic, *મોઝાર=inside

  • Subscribe to our Newsletter

    You can't resist this cutie! Let her bring you our Friday newsletter.

    *No spam. You can unsubscribe at any time.

  • 2 Comments

    Leave a Reply

    Swati's Journal

    © 2024 Swati's Journal