ઉનાળાની બપોર જો મારી જેમ વ્યક્ત કરી શકતી હોત તો,હું જે મારી દીકરી વિશે અનુભવું છું એવું જ કંઇક એ પલાશનાં ફૂલો વિશે અનુભવે છે એમ કહેતી હોત… ખરું ને?
મારી બળતી બપોરનો શીળો અંગાર,
એક મારી દીકરી ને બીજો આ કેસૂડો.
મારી સર્વે વસંત ના રૂપનો અંબાર,
એક મારી દીકરી ને બીજો આ કેસૂડો.
પ્લુષ્ટ ,પ્રવ્રજ્યા શિશિરનો કિરમજી શૃંગાર,
એક મારી દીકરી ને બીજો આ કેસૂડો.
મોઝાર વિસ્તરતા વગડાને રાતો લલકાર,
એક મારી દીકરી ને બીજો આ કેસૂડો.
મારા હરિત પડછાયાનો સમાંતર પ્રસાર,
એક મારી દીકરી ને બીજો આ કેસૂડો.
અનન્ય તોયે પરિપૂર્ણ જાણે સંઘેડા ઉતાર,
એક મારી દીકરી ને બીજો આ કેસૂડો!
*પ્લુષ્ટ=frozen, *પ્રવ્રજ્યા=ascetic, *મોઝાર=inside
સરસ.સરલ છતાં ઉત્તમ સરખામણી. ગુજરાતી નું ગૌરવ.
Thank you!
Please do share it with friends and family.
Love,
Swati