વિશ્વમાં શું સંભવિત છે એના માટે કોઈ થીયરી કામ નથી કરતી. ઈચ્છાશક્તિ એ એકમાત્ર પ્રબળ પરિબળ છે જે અસંભવને પણ સંભવ બનાવે. શું મેળવીશું એ કદાચ આપણા નિયંત્રણમાં ન હોય છતાં, સપનાની પાંખો વિસ્તારવા પર કોઈનો અંકુશ નથી!
ચાહે વાયુ વાતા હો વિપરીત,
પથદર્શી પ્રવાહો હો ના ભલે;
હાથોનાં હલેસે શમણાંને, મેં પાર ઉતરતા જોયા છે.
ચાહે હો અંધારું ગીચ ઘણું,
સૂરજ હો ક્ષિતિજને પાર ભલે;
સપનાથી ભરેલી આંખોમાં, મેં તેજ નીતરતા જોયા છે.
મેઘ મન મૂકીને જો ના વરસે,
ખળખળ જળનું હો દૂર ભલે;
માથેથી ટપકતા પ્રસ્વેદે, મેં બાગ ઉઝરતા જોયા છે.
શમણાં જ તારા તુજ સંગી છે,
ગમતીલા સાથ રહે ના ભલે;
બાકી,
રોજ ‘રમલ’નાં હાથેથી, મેં પાસા સરકતા જોયા છે!
*રમલ = અંકશાસ્ત્રી (numerologist who predicts with the help of dice)
સરસ આલેખન.???
ધન્યવાદ.
કમેન્ટ માટે ખુબ ખુબ આભાર.
આગળ તમને ક્યા વિષય પર વાંચવું ગમશે એ સૂચવશો તો હજી ઘણું સરસ આલેખી શકીશ.
સસ્નેહ,
Swati
કેળવણી.
ચોક્કસ પ્રયત્ન કરીશ.
વાહ, ફરી એકવાર, સુંદર.
બાગ ઉઝરતા જોયા છે.- સરસ-સરસ.???
હૃદયપૂર્વક આભાર! ??
Superb …