ભેદ-ભરમ – Gujarati Poetry

bhed bharam gujarati poetry indian writer

સમાજમાં લગભગ મોટાભાગનાં વ્યવહારો પાછળ ક્યાંકને ક્યાંક કોઈક સ્વાર્થ નિહિત હોય છે.અંગત ફાયદા માટે માણસ કોઈ પણ રૂપ ધરી સામેવાળી વ્યક્તિને છેતરી શકે છે પરંતુ, પોતાનાં જ મનને છેતરવાનો માર્ગ હજી સુધી તો તેને હાથ લાગ્યો નથી.

ગહન સઘન જ્યાં રીત રસમ,
જગ ઇન્દ્રજાળનાં ભેદ ભરમ.

હસે વદન ને જલે નયન,
મન શ્યામ સકળ ને શ્વેત ગવન .
જગ ઇન્દ્રજાળનાં ભેદ ભરમ.

લેણ-દેણની ઉઠાપટક સહુ,
શીળા કથન માં છૂપી તપન.
જગ ઇન્દ્રજાળનાં ભેદ ભરમ.

સઘળી માયા કાયા કાજે,
મન જાણે આ અંત્ય મરમ.
જગ ઇન્દ્રજાળનાં ભેદ ભરમ.

*ઈન્દ્રજાળ = જાદુઈ માયા, ગવન = વસ્ત્ર

  • Subscribe to our Newsletter

    You can't resist this cutie! Let her bring you our Friday newsletter.

    *No spam. You can unsubscribe at any time.

  • Leave a Reply

    Swati's Journal

    © 2024 Swati's Journal