અધુરપનો હિસ્સો તું! – Gujarati Poetry

4.5
(2)
ડૉ. રાહી માસૂમ રઝાએ કહ્યું છે, “कहीं शबनम के शगूफ़े कहीं अंगारों के फूल; आके देखो मेरी यादों के जहां कैसे हैं।” જાણ્યે-અજાણ્યે પણ ગઝલોનાં વિશ્વની સમૃદ્ધિ આવા યાદોનાં ખજાનાને જ આભારી છે. સંપૂર્ણ એટલું સુંદર એ પૂર્ણ સત્ય નથી.અધુરપનો આસ્વાદ તો જેણે માણ્યો હોય તે જ જાણશે… ખરું ને?

Written by - Swati Joshi

મને ઘેરી રહેલી અધુરપનો તું એક હિસ્સો છે.
ઘડપણમાં જેનાં પર હસી શકું એવો એક કિસ્સો છે.

વિરહની વેદના અને પીડાનાં પાષાણ સાચવી રાખ્યા છે;
બે હાથ ભલે ને ખાલી, મન પર બોજો ખાસ્સો છે.

વિચારોનાં પિશાચ ભટક્યા કરે છે તારી આસપાસ;
ફરજે બંધાયેલા દેહને એ જ વાતનો તો ગુસ્સો છે.

દિન-પ્રતિદિન જર્જર થઈ રહેલા ચાહતનાં અંબરમાં;
એકલપંડે લગાડેલા એ થીગડાંનોએ ઠસ્સો છે.

સમય સાથે, હું અહીં અને તું ત્યાં વીતી રહ્યા ભલે ને;
ખાલીપામાં ખોવાતા પહેલા,હજુ જીવી જવાનો જુસ્સો છે.

મને ઘેરી રહેલી અધુરપનો તું એક હિસ્સો છે.
ઘડપણમાં જેનાં પર હસી શકું એવો એક કિસ્સો છે.

* અંબર = વસ્ત્ર

Love what you read? Click on stars to rate it!

As you found this post useful...

Share this post with more readers.

Hi! I'm Swati Joshi

Love what you’re reading?
Hit star rating or just post a comment. It motivates me to write more. Thank you!

Older Stories

Related Posts

રાધા, કૃષ્ણ અને વાંસળી – A Gujarati Poetry 4.3 (7)

વાંસનો એક ટુકડો કૃષ્ણને સ્પર્શી વાંસળી બની જાય એ સમર્પણનું શિખર છે અને એ જ વાંસળી કોઈ અલબેલી, પ્રીતે બંધાયેલી છોકરી માટે વાગે ત્યારે એ સાધારણ છોકરી ઈતિહાસમાં અમર થતું પાત્ર રાધા બની જાય તે પ્રિય-પાત્ર પ્રત્યેની લાગણીનું શિખર છે! આવી જ એક રોચક છતાં સરળ અભિવ્યક્તિ દ્વારા આ ત્રણેનો અતૂટ સંબંધ પ્રસ્તુત કરવાનો પ્રયત્ન કર્યો છે.

રક્તની માફક લોહીલુહાણ – Gujarati Kavita | Rashmin Mehta 4.4 (7)

વ્યક્તિમાં સ્વીકારભાવ બહોળો હોય તે એક ઉમદા ગુણ છે પરંતુ, જેમ દરેક સીક્કાની બે બાજુઓ હોય તેમ અહીં પણ જેટલી સ્વીકાર કરવાની કાબેલિયત વધુ તેટલી, અવાંછિત અનુભવોનો સામનો થવાની શક્યતા વધુ! આ મોટા મનનાં વિરલાઓએ પોતાનાં સ્વભાવ, સંસ્કાર અને વર્ષોમાં અર્જિત અનુભવસિદ્ધ સિદ્ધાંતોને સાથે લઈને સતત ટીપાતાં, કુટાતાં, લડતા, ઘવાતા, હારતા, જીતતા તેમજ એક વણમાગ્યો અજંપો સાથે લઈને જીવવાની તૈયારી રાખવી જ રહી… ક્યાં સુધી?? કે જ્યાં સુધી પોતાની જાતને તેમજ બીજા લોકોને એ જેવા છે તેવા જ સ્વીકારી ન લઈએ ત્યાં સુધી!

Let’s Start Talking!

Swati Joshi is an Indian writer who loves to write in English and Indian Languages like Gujarati. Read her Gujarati Poetry and Motivational articles at Swati's Journal.
Swati Joshi

www.swatisjournal.com

2 Comments

  1. Avatar

    “સમય સાથે, હું અહીં અને તું ત્યાં વીતી રહ્યા ભલે ને;

    ખાલીપામાં ખોવાતા પહેલા,હજુ જીવી જવાનો જુસ્સો છે.”

    આહ સાથે વાહયુક્ત પંક્તિ… આહ્લાદક…

    Reply
    • Swati Joshi

      Thanks a lot for the overwhelming response…

      Stay tuned for more.

      Reply
Submit a Comment

Your email address will not be published. Required fields are marked *