આખરી પડાવ – Gujarati Poetry

5
(4)
February 19, 2020
મર્યા નથી ત્યાં સુધી તો જીવતા જ છીએ એ યાદ રાખવું અને અસ્તિત્વનાં આનંદનો ગુલાલ કરવો એ એકમાત્ર કામ છે જે મનુષ્ય તરીકે આપણા વશમાં છે. બાકી, શ્વાસ ચાલે છે ત્યાં સુધી જ આ બધું સહેવાનું કે માણવાનું છે એ માન્યતા તરીકે સારું લગાડવા માટે પુરતું છે બાકી, આવવા જવાની અવિરત ચાલતી આ પ્રક્રિયામાં અહીંથી ક્યાંય જઈ શકાતું નથી.. આપ શું કહો છો?

Written by - Swati Joshi

થોભેલા જોઈ અમને, માનશો ના કે,
આ જ આખરી પડાવ છે;

દિવસો હોય કે જાત ખર્ચવાના જ હોય તો,
જીવ આપણો ઉડાઉ છે!!

ઋતુ બદલાવાની જ રાહ હોય છે બસ;
ઝાલ્યા નહીં રહીએ કોઇથી જો હવામાં,
થોડો પણ તણાવ છે!!

પતંગ કે પાંખ હોઈએ તો, હવાની અધ્યારી ને?
અહીં તો ઝરણ, તરંગ કે વહેણ મળ્યા તો,
જાત આપણી નાવ છે!!

ખેડવા જ નીકળ્યા છીએ તો, શું ટીંબા કે શું ડુંગરા?
ઊંચા ચઢાણને જ હકીકત ન માની લેશો,
જ્યાં બીજી બાજુનું સત્ત તો ઢોળાવ છે!!

આવન-જાવનનાં ફેરા આપણે જ નથી ખાલી;
ચંદ્ર હો કે ભાનુ દોડ્યા કરે છે આપણી જેમ,
જુઓ, એને પણ રાયતનો અભાવ છે!!

મનમાન્યું એક કામ કરવાની છૂટ હો ત્યારે;
સમયની માટીમાં જોરથી એક પગલું પાડી જજો,
કેમકે,ભૂંસાઈ જવું એ ક્યાં આપણો સ્વભાવ છે??

બાકી,
થોભેલા જોઈ અમને, માનશો ના કે,
આ જ આખરી પડાવ છે;

દિવસો હોય કે જાત ખર્ચવાના જ હોય તો,
જીવ આપણો ઉડાઉ છે!!

*તણાવ= તાણ, ખેંચાણ, *અધ્યારી= (અહીં)ગુલામી, *ઝરણ= ઝરણું,પ્રવાહ, *સત્ત= સત્ય, *રાયત= રાહત, સુખચેન

Love what you read? Click on stars to rate it!

As you found this post useful...

Share this post with more readers.

Most Viewed Posts

Sponsored

Older Stories

Let’s Start Talking!

Swati Joshi is an Indian writer who loves to write in English and Indian Languages like Gujarati. Read her Gujarati Poetry and Motivational articles at Swati's Journal.
Swati Joshi

www.swatisjournal.com

5 Comments

  1. Japan Vora

    મનમાન્યું એક કામ કરવાની છૂટ હો ત્યારે;
    સમયની માટીમાં જોરથી એક પગલું પાડી જજો,
    કેમકે,ભૂંસાઈ જવું એ ક્યાં આપણો સ્વભાવ છે??

    મસ્ત. મજા આવી ગઈ.

    Reply
    • Swati Joshi

      Thank you!
      I’m glad that you like it so much.
      Keep reading n writing me back. It helps every time.

      Happy reading!

      Reply
  2. Nilam

    You and your poetry is very cute….have a beautiful time!

    Reply
    • Swati Joshi

      Thank you so much!

      Hope you’d like the other posts too.. I’d love to have your views on them too!

      Reply
  3. Yogesh

    ખૂબ જ સરસ.. અભિનંદન

    Reply
Submit a Comment

Your email address will not be published. Required fields are marked *