રોજ થોડું! – A Gujarati Poetry

5
(1)
September 10, 2019
ચાહનાનાં પ્રદેશમાં માત્ર એન્ટ્રી જ છે, એક્ઝીટ નથી એટલે એક વખત એ વિસ્તારમાં ડગલું માંડ્યા પછી વહેતા રહેવાનું; દરેક પગલે કોઇક અનુભવની ગઠરી માથે ચઢશે એટલે ભારણ સહન થાય એટલું સહેતા રહેવાનું અને બાકી આવી રીતે જ કહેતા રહેવાનું!

Written by - Swati Joshi

રામ જાણે, ક્યાં સુધી આ ભરણું ભર્યા કરવાનું?
આમ રોજ તારી યાદમાં થોડું-થોડું મરવાનું!

‘હીર’ કનેથી માટલું પેલું માગી લેવું’તુ;
કદાચ સહેલું થઇ જાત ભવસાગર પાર ઉતરવાનું!

બાકી તો, અઘરું છે,
આમ રોજ તારી યાદમાં થોડું-થોડું મરવાનું!

આંખથી લઈને હૃદય સુધી સાવ લુખ્ખો વગડો;
રોકાશે ક્યારે આ ભીતર રણનું પ્રસરવાનું?

અને સાથે જ,
રોજ તારી યાદમાં થોડું-થોડું મરવાનું?

નવો આ કરતબ હવે લાગે છે શીખવો પડશે;
અઘરું તો છે, લાગણીઓનાં સુકા પટ પર તરવાનું!

પણ ક્યાં છે સરળ,
આમ રોજ તારી યાદમાં થોડું-થોડું મરવાનું?

લાગતું એવું કે તુજ વિણ સઘળું થંભી જાશે;
પણ હોતું હશે કંઈ, આ હૃદય ક્યાં ભૂલે ધબકવાનું?

એટલે આપણે તો,
આમ રોજ તારી યાદમાં થોડું-થોડું મરવાનું!

માંહ્યલી લીલોતરીનું ટીપે-ટીપું સુકાઈ રહ્યું છે;
આંખ એકલી નઠારી નીવડી, ભૂલતી જ નથી નીતરવાનું!

વળી સાથે જ,
આમ રોજ તારી યાદમાં થોડું-થોડું મરવાનું!

વહાલપ કેરાં અનુબંધ નથી વરસાદી ફોરાં;
છારતો એ અંગાર, ન જાણે ઠરવાનું!

છે કંઈ ઉપચાર કે, પછી આ જ કર્યા કરવાનું?
આમ રોજ તારી યાદમાં થોડું-થોડું મરવાનું!

*વહાલપ = પ્રેમ, અનુબંધ = સંબંધ, ફોરાં = ટીપાં, છારતો = ખાખ કરી નાખતો

Love what you read? Click on stars to rate it!

As you found this post useful...

Share this post with more readers.

Hi! I'm Swati Joshi

Love what you’re reading?
Hit star rating or just post a comment. It motivates me to write more. Thank you!
Browse my little curated library of books!

Sponsored

Older Stories

Related Posts

હું – Gujarati Kavita | Rashmin Mehta 4 (2)

કુદરતમાં કદાચ મનુષ્ય એક જ એવું પ્રાણી છે જેની મર્યાદાઓ અને શક્તિઓ બંને અસીમ છે. આપણું વ્યક્તિત્વ ભલે ને અનેક પાસાઓ ધરાવતું હોય છતાં, સામેવાળી વ્યક્તિ મોટેભાગે તેનાં ભાવજગત અનુસાર જ આપણને આંકે છે. અહીં પોતાનાં અસ્તિત્વ વિશેની ખરી અનુભૂતિ ધરાવતો એક જાગૃત મનુષ્ય આપણને એ શું શું છે અને શું શું નથી જ એ વિશે કહે છે તો, ચાલો વાંચીએ અને શક્યતાઓનું એક નવું જ પરિમાણ ચકાસીએ…

રાધા, કૃષ્ણ અને વાંસળી – A Gujarati Poetry 4.4 (8)

વાંસનો એક ટુકડો કૃષ્ણને સ્પર્શી વાંસળી બની જાય એ સમર્પણનું શિખર છે અને એ જ વાંસળી કોઈ અલબેલી, પ્રીતે બંધાયેલી છોકરી માટે વાગે ત્યારે એ સાધારણ છોકરી ઈતિહાસમાં અમર થતું પાત્ર રાધા બની જાય તે પ્રિય-પાત્ર પ્રત્યેની લાગણીનું શિખર છે! આવી જ એક રોચક છતાં સરળ અભિવ્યક્તિ દ્વારા આ ત્રણેનો અતૂટ સંબંધ પ્રસ્તુત કરવાનો પ્રયત્ન કર્યો છે.

Let’s Start Talking!

Swati Joshi is an Indian writer who loves to write in English and Indian Languages like Gujarati. Read her Gujarati Poetry and Motivational articles at Swati's Journal.
Swati Joshi

www.swatisjournal.com

0 Comments

Submit a Comment

Your email address will not be published. Required fields are marked *