જાત સાથેની લડાઈમાં પોતાના હિસ્સે માત્ર હાર જ આવે છે, જયારે પણ આવા ઝઘડા ઉદ્ભવતા અનુભવો તો, તરત જ શરણાગતિ સ્વીકારી લેવી એ નુકસાન ટાળવાનો શ્રેષ્ઠત્તમ ઉપાય છે.
મનની અભેરાઈએ પડેલા પ્રશ્નો ખખડે છે.
ઉરમાં ઉઠતાં વમળો માંહોમાંહે ઝઘડે છે.
મનનાં પ્રશ્નો આખેઆખા હચમચાવે છે.
વમળો ને વળી શમી જવાને મન સમજાવે છે.
પ્રશ્નો-વમળો બંને વચ્ચે મન તો ફફડે છે.
ઉરમાં ઉઠતાં વમળો માંહોમાંહે ઝઘડે છે.
ઉઠેલ તરંગો ક્યાંથી ઉઠ્યા, મન તો જાણે ના.
એ જ તરંગો મનને ખેંચી અહીં-તહીં તાણે હા,
કોઈ અહીંથી ને કોઈ તહીંથી મનને જકડે છે.
ઉરમાં ઉઠતાં વમળો માંહોમાંહે ઝઘડે છે.
મનનાં પ્રશ્નો ક્યાં જઇ ધરબૂ, હું તો જાણું નહીં.
ક્યારે ઊઠે ને ક્યારે શમે એ એનું ટાણું નહીં.
મનનું ગાડું હજુ સુધી તો એમ જ ગબડે છે.
ઉરમાં ઉઠતાં વમળો માંહોમાંહે ઝઘડે છે.
રખે નહીં ગમે.-સાવ સાચી વાત.
Thank you!
મનનો ઝઘડો તો શાશ્વત છે. કોણ કહે છે કે ઝઘડો કરવા બે વ્યક્તિ જોઈએ?.
સાચી વાત. બે વ્યક્તિઓ વચ્ચેનાં ઝઘડાનો અંત આપણે ખસી જઈએ એટલે આવી જ જાય છે પરંતુ, આ આંતરિક ઝઘડો શાશ્વત છે.