જૂની તિજોરીનું એક ખાનું – Gujarati Poetry

તને સંગ્રહીને બેઠું છે જૂની તિજોરીનું એક ખાનું,
યાદોની કિતાબનું તું જાણે વાળી રાખેલું એક પાનું!

ઢગલો પડ્યા છે કારણો હસવા-રડવાનાં;
પેટી ભરીને કિસ્સાઓ તને અહીં મળવાનાં –
પણ,
એમાં સૌથી વ્હાલું મને તારા ઝુરાપાનું બહાનું!
તને સંગ્રહીને બેઠું છે…

“તું નથી જ” એવું ઘૂંટી રાખેલી મનની દીવાલ પર;
નિત-નવા રંગો ધોળાયા કરે છે –
તોયે,
લગીરે તું ઝાંખો પડે તો હું માનું!
તને સંગ્રહીને બેઠું છે…

છે તું સરળ, તો તારી યાદો કેમ જીદ્દી છે?
ભીંસીને પૂરેલી સ્મૃતિઓનાં ઓરડામાં –
એ,
કરી જ જાય છે ડોકિયું છાનું!
તને સંગ્રહીને બેઠું છે…

જવલ્લે જ ખુલતી યાદોની કિતાબમાં;
વીતી ગયેલા સમયનાં સળોની વચ્ચે –
તું,
હજીએ મહેક્યા કરે છે મજાનું!
કેમકે, તને સંગ્રહીને બેઠું છે જૂની તિજોરીનું એક ખાનું,

યાદોની કિતાબનું તું જાણે વાળી રાખેલું એક પાનું!

Love what you read? Click on stars to rate it!

અમૃત ‘ઘાયલ’ કહે છે એમ, ‘તમે છેડી તો જુઓ સહેજ મુજ ખંડિત હૃદય-વીણા; તૂટેલા તાર માંહે પણ કંઈ ઝણકાર બાકી છે’. યાદોનાં પટારામાં ગડી વાળીને સાચવી રાખેલી ક્ષણો ઘણાને માટે પીડાનું કારણ હોય છે તો, એ જ વળી કેટલાકને માટે સંતાપનું ઓસડ પણ હોય છે. અહીં આવી જ યાદોની પળોને સાથે મળીને માણીએ અને જીવીએ.

Older stories

વિરાટ વિચ્છેદ – Gujarati Poetry | Japan Vora

વિરાટ વિચ્છેદ – Gujarati Poetry | Japan Vora

ચેતનાનાં અંબરમાં ગાબડું પડે ત્યારે, યાદોનાં પડછાયા યદ્દરછ રૂપ ધરી આપણી સામે આવે છે. કોઈનું હોવું જેટલું મહત્વનું હશે, આ પડછાયા એટલા જ ઘેરા હશે. પરંતુ, હૃદયનાં કોઈક ખૂણે પોતાને પણ એ પ્રતીતિ સતત રહે જ છે કે, સ્મૃતિ-પટલ પર મંડરાતી એ છબીઓ આભાસી જ છે.લાગણીઓ વહી ગયાની અનુભૂતિ પછીનો સમય લાવે છે નર્યો સંતાપ! ખુબ ચાહેલા પ્રિય-પાત્ર માટે લખાયેલી આ સુંદર રચના આપ પણ માણો…

એક નાસ્તિકની આસ્તિકી – Gujarati Poetry | Rashmin Mehta

એક નાસ્તિકની આસ્તિકી – Gujarati Poetry | Rashmin Mehta

નશા અને પ્રેમમાં એક સ્તરથી ઉપર જઈએ ત્યારે વ્યવહારનાં કોઈ ફિલ્ટર્સ રહેતા નથી તેવું જ ભગવાન વિશેની મનુષ્યની લાગણીઓનું છે. ભગવાન નામનાં વિચારથી સહેમત હોઈએ તો આ જ ભાવ ભક્તિ સ્વરૂપે પ્રગટ થાય અને એ વિચારથી અસહેમત હોઈએ તો એ બને નાસ્તિકતા! છતાં, લાગણીની ઉત્કટતા બંનેમાં સમાન જ રહે છે. અહીં એક નાસ્તિકે મિત્રભાવે પોતાની લાગણીઓ ઠાલવી છે. ભગવાને તો સાંભળી લીધી, તમને સ્પર્શી કે નહીં?

મને છૂટ છે – Gujarati Poetry

મને છૂટ છે – Gujarati Poetry

ભાગ્યવશાત્ ક્યારેક ઇચ્છાઓ અને વાસ્તવિક જીવન વચ્ચે સામંજસ્ય નથી રહી શકતું. માણસ તરીકે નૈતિકતા હજી નડતી હશે તો, જીવન કામનાઓ અને નીતિમત્તા વચ્ચે ઘંટીના બે પડની જેમ પીસ્યા કરશે. પણ યાદ રાખવું કે, સાધ્ય તમારી પાસે રહી જાય અને નિયતિ સાધન છીનવી લે ત્યારે, પ્રાર્થનાઓને સાધન બનાવીને શાતા સુધીનો માર્ગ કંડારવાની માણસ તરીકે આપણને છૂટ છે!

Let’s Start Talking!

Swati Joshi is an Indian writer who loves to write in English and Indian Languages like Gujarati. Read her Gujarati Poetry and Motivational articles at Swati's Journal.
Swati Joshi

www.swatisjournal.com

2 Comments

  1. Avatar

    દિલ ની ડ્રાઈવ‌ હમેશા અમુક યાદો પાસવર્ડ વાળા ફોલ્ડર માં લોક હોઈ છે, જે માત્ર પોતાના માટે જ હોઈ છે જેને એકાંત માં વાગોળી શકાય, જેને યાદ કરીને હસી શકાય, જેને યાદ કરી આંખો ભીની કરી શકાય.

    ખુબ સરસ રચના …

    Reply
    • Swati Joshi

      Thank you Varun!

      As always, you’ve touched the heart of the poetry and appreciated wholeheartedly as well.

      Please do share with the people you think worthy for.
      Keep reading n writing me back.

      Swati

      Reply
Submit a Comment

Your email address will not be published. Required fields are marked *

Copy link